耿耿於懷從前的愛

破壞形象有，怨氣有，建議勿入↓

 

我真係好唔想繼續讀大學，好想不顧一切，直接走去退學就算。

因為我完全感覺唔倒大學生活有幾開心，不安焦慮唔開心壓力就樣樣有份。

但係我冇得選擇，為左屋企為左錢我咩都要做咩都要讀。

從來我讀書都唔係為自己，選的科目全部都要得屋企人同意，要有睇得倒的前景，預想得倒的職業。

興趣呀夢想呀通通都唔可以，因為我係屋企未來的經濟支柱，唔可以去追求虛幻的野。

所以，我個人冇夢想，係因為我知道我根本冇俾任何人賦予有夢想的權利。

而且，你要有夢想，你就要有錢；你要有錢，你就要讀書，你要讀書，你就要靠屋企人。

我認我個人又冇骨氣又冇用，自己唔識搵錢養自己，仲要係屋企做緊蛀米大蟲，憑咩野去講三講四講夢想，我根本連講的資格都冇。

可能你睇到依度會覺得我只不過係一個仆街或是柒頭，覺得我有大學讀已經係好好，我係身在福中不知福。

咁你即管鄙視我啦，其實我都好憎我自己。

 

P.S.從沒有振作過，痛了再痛也應該。